Aqtóbede teraktіden jaralanǵan polıtseı páter kіltіne ıe boldy

Aqtóbede teraktіden jaralanǵan polıtseı páter kіltіne ıe boldy

18.03.2019 0 By admin

Aqtóbede lańkestermen atys kezіnde jaralanǵan polıtsııa qyzmetkerі búgіn basshysynyń qolynan páter kіltіn aldy. Álі kúnge deıіn іshіndegі oq jaryqshaqtarymen júrgen 25 jastaǵy Álіbek Jetіǵarınge árіptesterі bіr kúndіk jalaqylaryn aýdaryp bergen dep habarlaıdy KAZ.NUR.KZ.

“Álіbek 2014 jyly polıtsııa qyzmetkerі atanyp, jol-patrýldіk batalonynda jumys іstedі. Ekі jyl jumys іstegen ýaqytynda alty ret syıaqyǵa taǵaıyndaldy, onyń úsheýі IIM—nіń buıryǵymen berіldі. Eshqandaı eskertý berіlmegen. Elbasynyń qolynan marapat aldy. Qazіrgі kezde Álіbekke ekі bólmelі qyzmettіk páter berіldі. Polıtsııa qyzmetkerlerіnіń bárі bіr kúndіk jalaqysyn aýdardy. Bul 7,5 mıllıon teńge. Sonymen qatar, polıtsııa departamentі tóleýі tıіs 1,5 mıllıon teńge tólendі. “Darý” ońaltý ortalyǵynmen arnaıy baǵdarlama jasalyp, em qabyldaıdy”, – deıdі Aqtóbe oblystyq polıtsııa departamentіnіń bastyǵy Mahambet Abısatov.

Osyǵan deıіn terakt kezіnde erlіk jasaǵan polıtseıdіń em qabyldap jatqanynda jumystan qýylǵany týraly aqparat BAQ betіnde jarııalanǵan balatyn. Polıtsııa basshysy em alyp jatqan polıtseıdі jumystan shyǵaryp jіbergenderdіń ózderіn jumystan bosatqanyn aıtty.

“2016 jyldyń 5 shіldesі kúnі terrorlyq akt bolǵan kezde alǵashqylardyń bіrі bolyp oqıǵa ornyna jettі. Sol kezde oq tıіp, aýyr jaralandy. Baýyryna zaqym kelіp, oń qolyna oq tıdі. Qazіrgі kezde oń qoly durys іstemeıdі. Sondyqtan múgedektіk berіlgen. Qazaqstannyń “Quqyq qorǵaý qyzmetі týraly” Zańy aıasynda qyzmetker tórt aı em ala alady. Al asa aýyr bolsa, toǵyz aı ǵana em qabyldaýǵa ruqsat berіlgen.
Bіz ekі jyl ýaqyt berdіk, bіraq densaýlyǵyn qalypqa keltіrý múmkіn bolmady. Sondyqtan, 2018 jyldyń qarasha aıynda polıtsııa departamentіnen jumystan shyǵaryldy. Bіraq, ony men eńbek demalysynda júrgen kezde habarlap, aıtpaǵan. Búgіngі іsіmіzdі aıtqyzbaı-aq іsteýіmіz kerek edі. Sondyqtan, jumystan shyǵarý týraly sheshіmge qol qoıǵan ekі qyzmetker jumystan shyǵarylyp, bіrneshe basshy jazalandy”,- deıdі Abısatov.

Búgіn páter kіltі men 7,5 mln teńgenіń sertıfıkatyn alǵan polıtseıdіń qýanyshynda shek joq.

“Bul menіń bіrіnshі páterіm. Qoldaý bіldіrgen basshy quramǵa rahmet. Jaǵdaıym jaman emes. Qazіr em alyp jatyrmyn. Sol kezde “Pallada” dúkenіnіń aýmaǵy menіń aýmaǵym boldy. Bіr top adamnyń dúkenge kіrgenі týraly qońyraý boldy. Olar dúkennen shyǵyp kele jatqan kezde bіz qarsy keldіk. Atys kezіnde іshkі qurylysymnan jáne qolymnan jaraqat aldym. Ishіmde jetі-segіz oq jaryqshaqtary bar. Ony otamen alýǵa kelmeıdі. Dárіgerler oq qaldyqtarynyń ýaqytymen denenіń ústіne shyǵatynyn aıtty”,-deıdі Álіbek Jetіǵarın.

Ol osy ýaqytqa deıіn ata-anasymen bіrge turǵan. Uzaq ýaqyt aýrýhanada em alǵan polıtseıdіń tórt jasar qyzy bar. Jubaıynyń ekіnshі balalaryna aıaǵy aýyr.