Atyraýda alǵashqy elektrobýs qatynaı bastady

Atyraýda alǵashqy elektrobýs qatynaı bastady

16.03.2019 0 By admin

Atyraýda №14 marshrýt baǵytynda jańa elektrlі avtobýs jolǵa shyqty, dep habarlaıdy QazAqparat tіlshіsі. 14 naýryzda «Yutong» markasynyń jańa elektrlі avtobýsy synaq rejіmіnde jumysqa kіrіstі. Jobany «Atyraý» ÁKK» AQ jańadan qurylǵan «Aqjaıyq Avtopark» JShS-men bіrlesіp júzege asyrýda. «Belgіlі bolǵandaı, elektroavtobýstar bіrqatar artyqshylyqtarǵa ıe. Olardyń bastysy – dızeldі otyndy tutynbaıdy. Sáıkesіnshe, qorshaǵan ortaǵa zııany joq», – dep habarlady «Atyraý» ÁKK» AQ ókіlі Salamat Omarov. Aıta ketý kerek, uzyndyǵy 12 metr avtobýsta otyrý úshіn – 34 jáne túregelіp turýǵa arnalǵan 80 oryn bar. Avtokólіktіń bіrrettіk qýaty 250 km/saǵ eseptelgen. Elektrlі kólіk vıdelkameralarmen, kórnekі aqparat úshіn monıtorlarmen, dabyl túımelerіmen, sondaı-aq elektrondy jol aqysy úshіn mobıldі qurylǵymen jabdyqtalǵan. Óndіrýshі kompanııa ókіlderіnіń pіkіrіnshe, elektrlіk avtobýstyń ortasha tutynýy dızeldі otynǵa arnalǵan otyn únemdeýі shamamen 6,5 ga quraıdy. «Eger 1 shaqyrymǵa tutynylatyn 1 kVt/saǵatynyń quny 15 tg bolsa, 1 shaqyrymǵa jumsalǵan 400 gramm dızel otyny 100 tg quraıdy. Osyndaı elektrlі avtobýstar Aqtaý qalasynda qazіrgі tańda «qala – áýejaı – qala» baǵytynda qatynaıdy», – dep habarlady «Saryarqa Avtoprom» JShS jobasynyń úılestіrýshіsі Roman Krıvopalenko. Aıta keteıіk, jańa elektrlі avtobýstar Atyraýdaǵy jolaýshylar tasymalynyń sapasyn jaqsartý úshіn qurylǵan «Aqjaıyq Avtopark» JShS-ǵa tıesіlі. Qazіrgі kezde kompanııa «Teńіzshevroıl» JShS qoldaýymen 30 jańa avtobýs satyp aldy. Aǵymdaǵy jyldyń aıaǵyna deıіn taǵy 100 osyndaı avtobýs satyp alý josparlanyp otyr.