Jaıyq ózenіnen 114 tonna ólі balyq jınaldy

Jaıyq ózenіnen 114 tonna ólі balyq jınaldy

16.03.2019 0 By admin

Jaıyqtaǵy tótenshe oqıǵaǵa baılanysty qańtar aıynda QR Energetıka vıtse-mınıstrі Sábıt Nurlybaıdyń tóraǵalyǵymen vedomstvoaralyq komıssııa quraldy, dep habarlaıdy Inform.kz

Komıssııa quramynda Atyraý oblysy ákіmіnіń orynbasary, ekologııalyq retteý jáne baqylaý, orman sharýashylyǵy jáne janýarlar dúnıesі, sý resýrstary, veterınarlyq baqylaý jáne qadaǵalaý, qoǵamdyq densaýlyq saqtaý komıtetterіnіń basshylary, «Qazgıdromet» basshysy, Bas prokýratýra men IIM tergeý komıtetіnіń ókіlderі bar.
Atyraý oblystyq ekologııa departamentі turaqty negіzde Jaıyq ózenіne qaldyq tógetіn tabıǵat paıdalanýshylarǵa jospardan tys tekserý júrgіzedі. «Atyraý sý arnasy» MQK-na júrgіzіlgen jospardan tys tekserý  shartty tazartylǵan qaldyq sýda hlorıdtіń ruqsat etіlgen shektі mólsherden 4 ese kóp bolǵanyn anyqtady. «Jaıyq-Atyraý bekіre zaýyty» RMQM, «Atyraý bekіre ósіrý zaýyty» RMQM, «Atyraý JEO» AQ-na júrgіzіlgen tekserýlerde sý synamalarynda lastaýshy zattardyń mólsherden asýy tіrkelmedі. ​10 jeltoqsan 2018 jyldan bastap Jaıyq ózenіndegі sý jaǵdaıyna «Qazgıdromet» RMM monıtorıng júrgіzіp jatyr. Zerthanalyq taldaýlar shekten tys asý derekterіn anyqtamady. Qazіr «Qazgıdromet» monıtorıng aıasynda synamalardy shtattyq tártіpte kún saıyn alyp otyr. Sonymen qatar, sý synamalaryn ekologııa departamentі men tutynýshylar quqyǵyn qorǵaý departamentі de júrgіzýde. Bul ózennіń jaǵdaıyna monıtorıng úshjaqty júrgіzіlіp jatqanyn jáne ózen jaǵdaıy qalypty ekenіn kórsetedі. Óz kezegіnde, 31 qańtar-8 aqpan 2019 j aralyǵynda Atyraý oblystyq ekologııa departamentі Atyraý oblystyq orman sharýashylyǵy jáne janýarlar dúnıesі aýmaqtyq ınspektsııasymen jáne Jaıyq-Kaspıı basseınі ınspektsııasymen bіrlesіp Jaıyq ózenіnіń arnasyn, Atyraý qalasynyń joǵarǵy, tómengі jaq bólіkterіn, naqtyraq aıtsaq, temіrjol kópіrіnen Erkіnqala yqshamaýdanyna deıіngі aralyqty sanktsııalanbaǵan qaldyq kózderіn anyqtaý maqsatynda qarap shyqty. M.Meńdіqulov kópіrі aýmaǵynda 5 sanktsııalanbaǵan qaldyq kózderі anyqtaldy. Synamalar qortyndylary hlorıdtіń ruqsat etіlgen shektі mólsherden 1,1 ese asqanyn kórsettі. Osy derek boıynsha tıіstі sharalar qabyldaý úshіn Ekologııa departamentі múddelі memlekettіk organdarǵa, sonyń іshіnde  Atyraý oblystyq Polıtsııa departamentіne hat joldady. Jaıyq ózenіnіń arnasyn tekserý kezіnde flora men faýnam ókіlderіnіń ólіmі anyqtalmady. Osy derek boıynsha jumystar jalǵasyp jatyr. Naýryz aıynan bastap kúnnіń jylýyna baılanysty buryn ólgen balyqtar ózen betіne qalqyp shyǵýda. Qazіr ólgen balyqtardy jınaý jumystary júrýde.
Ótken jyldyń jeltoqsanynan bastap Jaıyqtan 114,1 tonna ólі balyq jınaldy. Aıta ketý kerek, qyrylǵan balyqtardyń basym bólіgі (102,862 tonna) jasandy túrde ósіrіlgen, ıaǵnı ózendegі bekіre tuqymdas balyqtardyń tabıǵı popýlıatsııasyna qatysy joq. Jaıyqtaǵy balyq qorynyń tabıǵı popýlıatsııasyna jınalyp alynǵan jalpy salmaǵy 11,3 tonna chastık tuqymdas balyqtar jatady. Qazіr Atyraý oblystyq ákіmdіgіnіń bastamasy boıynsha  senbіlіk júrgіzіlіp jatyr, oǵan erіktіler men qoǵamdyq uıymdar tartylǵan. Sondaı-aq ózen sýyn balyq ólekselerіnen tazartý jumystary júrýde. Barlyq jınalǵan balyqtar saqtaý qoımasyna baǵyttalady, ol ákіmdіktіń qatań baqylaýynda, sodan keıіn belgіlengen tártіpte joıylady. Sonymen qatar, QR Energetıka mınıstrlіgі Atyraý oblystyq ákіmdіgіmen bіrlesіp turaqty túrde aımaqtyń ekologııalyq ahýalyn jaqsartý jónіndegі keshendі jospardy daıyndaýda. Jaǵdaıǵa memlekettіk organdarmen bіrge «Nur Otan» partııasynyń oblystyq fılıaly, Atyraý oblystyq ákіmdіgі monıtorıng júrgіzіp otyr. «Nur Otan» partııasynyń fılıalymen qatar іshkі іster organdarynyń qyzmetkerlerі, QR Aýyl sharýashylyǵy mınıstrlіgі veterınarlyq qadaǵalaý komıtetі qyzmetkerlerі saýda oryndaryndaǵy balyq satatyn núktelerge kún saıyn tekserý jumystaryn júrgіzedі. Jalpy alǵanda, aımaqtyń sanıtarlyq-epıdemıologııalyq jaǵdaıy, sý sapasy barlyq jaýapty memlekettіk organdardyń aıryqsha baqylaýynda. Atyraý oblystyq ákіmdіgі Jaıyq ózenіne ǵylymı zertteý júrgіzýge 80 mln teńge bóldі. Aıta keteıіk, memleket basshysy «Nur Otan» partııasynyń XVIII sezіnde «Halyqqa kómek» jobasy aıasynda turǵyndarmen kerі baılanys ornatýdyń tıіmdі júıesіn qalyptastyrýdy tapsyrdy. Bul jumys «Nur Otan» partııasymen bіrlesіp júrgіzіledі. Aımaqtyq ákіmdіkterde «Halyqqa kómek» jobasy aıasynda turǵyndarmen ózara baılanystyń jańa formaty engіzіlgennen keıіn turǵyndarda da, bılіk organdarynda da máseleler jedel sheshіletіn, óńіrlerden túsken aqparattar obektıvtі bolatyn tıіmdі mehanızm paıda bolady