Nursultan Nazarbaev Shymkentte transformator zaýytyn ashty

Nursultan Nazarbaev Shymkentte transformator zaýytyn ashty

11.12.2018 0 By admin

Búgіn Memleket basshysy Nursultan Nazarbaevtyń qatysýymen ótken telekópіr barysynda Shymkent qalasynda qýattylyǵy 220, 500 KV bolatyn joǵary kerneýlі transformator shyǵaratyn zaýyt іske qosyldy.

Jobanyń ekіnshі kezeńіnde tsıfrlyq tranformatorlardy óndіrý josparlanyp otyr. Sonymen qatar, munda Ortalyq Azııada teńdesі joq elektrsynaq zerthanasy da qurylǵan. Zaýyt ónіmderі Qazaqstan men TMD elderіnіń suranasyn qanaǵattandyrady dep kútіlýde. Kásіpkerlіktі qoldaý kartasynyń aıasynda júzege asyrylǵan óndіrіs ornynda 220 adam jumyspen qamtylady.

«Asia Trafo» ınnovatsııalyq kásіporny – «Tassaı» ındýstrıaldy aımaǵynda ornalasqan. Mundaı keń kólemdegі transformator óndіrіsі Qazaqstanda alǵash ret qolǵa alynyp otyr. Jobanyń jalpy quny 18,9 mlrd. teńgenі quraıdy.

Jalpy ulttyq telekópіr sharasyna qatysqan qala ákіmі Ǵabıdolla Ábdіrahymov jańadan іske qosylǵan kásіporynnyń eńbek ujymymen kezdesіp, zaýyttyń aldaǵy óndіrіstіk damý josparyn talqylady.

Shymkent qalasynda ındýstrııalyq-ınnovatsııalyq damý memlekettіk baǵdarlamasyn júzege asyrý boıynsha 2018 jyly quny 9 710,7 mln. teńgenі quraıtyn 9 joba іske qosylyp, jańa 635 jumys orny ashyldy.