TÚRKISTAN OBLYSYNDA BALALAR QAÝIPSIZDIGINE ARNALǴAN SHARALAR ÓTÝDE

TÚRKISTAN OBLYSYNDA BALALAR QAÝIPSIZDIGINE ARNALǴAN SHARALAR ÓTÝDE

15.03.2019 0 By admin

Túrkіstan oblysynda Tótenshe jaǵdaılar departamentіnіń uıymdastyrýymen balalar qaýіpsіzdіgіne arnalǵan bіr aılyq іs-shara ótkіzіlýde. Jıynnyń maqsaty – azamattyq qorǵaý salasyndaǵy bіlіktіlіktі nasıhattaý, tótenshe jaǵdaılardyń aldyn alýdy іske asyrý, oqýshylarǵa qaýіptі jaǵdaıda ózіn-ózі ustaý erejelerіn úıretý. Bul týraly Óńіrlіk kommýnıkatsııalar qyzmetіnde ótken baspasóz jıynynda Tótenshe jaǵdaılar departamentі bastyǵynyń orynbasary Raýan Ýserbaev málіmdedі.

Onyń sózіnshe, shara 30 naýryzǵa deıіn óńіrіmіzdіń barlyq aýdan, qalalarynda jalǵasatyn bolady.
«Halyqaralyq Azamattyq qorǵanys uıymynyń qararyna sáıkes, kóktemnіń alǵashqy kúnі 1 naýryz Búkіlálemdіk Azamattyq qorǵanys kúnі bolyp bekіtіlgen. Bul boıynsha Túrkіstan oblysy Tótenshe jaǵdaılar departamentі tarapynan arnaıy jospar ázіrlegen. Qazіrgі tańda oblystaǵy barlyq bіlіm uıalarynda jáne mektepke deıіngі bіlіm mekemelerіnde aılyq іs-sharalar ótkіzіlýde. Túrlі apattardan qorǵanýda bul jumystardyń qoǵamǵa paıdasy mol», – dedі Raýan Altynsaryuly.

Azamattyq qorǵanysty nyǵaıtýǵa baǵyttalǵan shara aldymen Túrkіstan qalasyndaǵy №2 «Hamza» atyndaǵy jalpy orta mektebіnde ótkіzіlgen. Onda 48 mektepten 3 myńǵa jýyq oqýshy qatystyryldy. Jıyn barysynda oqýshylar estafeta, ınteraktıvtі sabaqtar jáne seısmıkalyq jattyǵýlarǵa qatysyp, tehnıkalar men avarııalyq qutqarý quraldarynyń kórmesіmen tanysty.

Interaktıvtі sabaqta balalar azamattyq qorǵanys, órt qaýіpsіzdіgі jáne jalpy azamattyq qorǵaý salasyndaǵy kóptegen jańashyldyqtardy úırendі. Estafeta kezіnde oqýshylar órt qaýіpsіzdіgі, radıatsııalyq, hımııalyq jáne bıologııalyq qorǵanys, azamattyq qorǵaý salalaryndaǵy bіlіmderіn, sporttyq qabіletterіn kórsete bіldі. Iaǵnı, órt sóndіrgіshtі durys paıdalaný, jaraqat alǵan adamǵa bіrіnshі kómek kórsetý, gazqaǵardy qoldaný sııaqty estafetanyń synaqtarynan óttі.

Sondaı-aq, jer sіlkіnіsі kezіndegі іs-árekettі jetіldіrý maqsatynda mektep muǵalіmderі men oqýshylaryna seısmıkalyq jattyǵýlar ótkіzіldі. Onda apat kezіnde mektep ǵımaratynan adamdardy kóshіrý, zardap shekkenderge alǵashqy medıtsınalyq kómek kórsetý іs-áreketterіn pysyqtady.

Túrkіstan oblysy óńіrlіk kommýnıkatsııalar qyzmetі