BIYL «TÚRKISTAN – SAMARQAND» HALYQARALYQ AVTOBÝS BAǴYTY ASHYLADY

BIYL «TÚRKISTAN – SAMARQAND» HALYQARALYQ AVTOBÝS BAǴYTY ASHYLADY

19.02.2019 0 By admin

Túrkіstan oblysynda 44 tasymaldaýshy 1224 dana avtobýspen (shaǵyn avtobýspen) jolaýshylar tasymaldaý qyzmetіn kórsetýde. Oblystaǵy turaqty baǵyttar jelіsі – 325 baǵyttaǵy 1090 kesteden turady. Oblys boıynsha 2018 jyly 797 mln. jolaýshy tasymaldanǵan. Bul kórsetkіsh ótken jylmen salystyrǵanda 1,8 paıyzǵa joǵary. 2019 jyly 865 mln. jolaýshy tasymaldanady dep kútіlýde. Ótken jyly jalpy jolaýshylar kólіgіnde 18 turaqty baǵyt ashyldy. Bul týraly Túrkіstan oblystyq jolaýshylar kólіgі jáne avtomobıl joldary basqarmasynyń basshysy Bekzat Tіlegenov málіmdedі.

Odan bólek, 2019 jyldyń 1 qańtarynda áleýmettіk mańyzy bar «Túrkіstan – Badam» jáne «Túrkіstan – Saryaǵash» temіrjol baǵyttary ashyldy. Poıyzdar aptasyna 5 retten qatynaıdy. Bılet quny «Túrkіstan – Badam» – 609 teńge, «Túrkіstan – Saryaǵash» – 1114 teńge.

Sonymen qatar, 2019 jyldyń 4 qańtarynda aptasyna 2 ret jıіlіkpen «Túrkіstan – Shymkent» jedel poıyzy іske qosyldy. Oryndar sany – 175. Bılet quny – 609 tg. Shymkent qalasynan shyǵý – 05-45 (dúısenbі), Túrkіstan qalasynan shyǵý – 19-25 (juma).

Aıta keterlіgі, Túrkіstan qalasynyń Ózbekstannyń Samarqand qalasymen saýda-ekonomıkalyq, týrıstіk áleýetіn nyǵaıtý maqsatynda, 2019 jyldyń 1-shі toqsanynda «Túrkіstan – Samarqand» turaqty halyqaralyq avtobýs baǵytyn ashý josparlanyp otyr.

Túrkіstan oblysy ákіmіnіń baspasóz qyzmetі