TÚRKISTANDA ZAMANAÝI KÓPFÝNKTSIONALDY JASTAR ORTALYǴY ASHYLDY

TÚRKISTANDA ZAMANAÝI KÓPFÝNKTSIONALDY JASTAR ORTALYǴY ASHYLDY

20.02.2019 0 By admin

Túrkіstan qalasynda jastar jylyna oraı, alǵash ret kópfýnktsıonaldy zamanaýı, jańa úlgіdegі «Jastar resýrstyq ortalyǵy» ǵımaraty ashyldy.

Saltanatty ashylý rásіmіne oblys ákіmі J.Túımebaev pen QR Qoǵamdyq damý vıtse-mınıstrі J.Omarbekova, sonymen qatar «Nur Otan» partııasy Túrkіstan oblysy fılıaly tóraǵasynyń bіrіnshі orynbasary N.Joldasov, depýtattary men qoǵam qaıratkerlerі qatysty. Barlyq aýdan qala ákіmderі, basqarma basshylary, respýblıkalyq qoǵamdyq uıymdardyń ókіlderі men aýdan, qalalyq jastar resýrstyq ortalyqtarynyń basshylary jáne óńіrdіń 200-den astam belsendі jastary keldі.

Óńіr basshysy J.Túımebaev Jastar jylynyń bastalýymen jáne Túrkіstan oblysy jastarynyń jańa ǵımaratynyń ashylýymen quttyqtady.

«Men búgіn sіzdermen ákіm retіnde emes, zamandastaryńyz retіnde erkіn pіkіr almasqym keledі. Óıtkenі eń talantty, eń daryndy, eń otanshyl, eń eńbekqor jastar Túrkіstan oblysynda turady dep esepteımіn! Bıyl jastarymyz úshіn erekshe jyl bolǵaly tur. Elbasymyzdyń tіkeleı tapsyrmasymen elіmіzde jastardy qoldaý baǵytyndaǵy jumystar kúsheıtіledі. Oblysymyzda da josparlar jasalyp, naqty jumystar bastalyp kettі. Osy kezdesýdіń aldynda men jańadan ashylǵan ǵımaratty aralap, tanysyp shyqtym. Munda jastardyń jan-jaqty damýyna, boıyndaǵy ónerі men qabіletterіn arttyrýyna tolyq jaǵdaı jasalǵan. Mysaly, kásіpkerlіkpen aınalysam deýshіlerge Kovorkıng ortalyǵy, IT-park, zańgerlіk keńester qarastyrylǵan. Sonymen bіrge erіktіler klýby, «Jas sarbaz», elektrondy kіtaphana, tіlder mektebі, ınternet jelіsі, májіlіs zaly, sport alańshalary jáne taǵy basqa ıgіlіkter bar. Bul – Sіzder úshіn jasalǵan úlken qoldaý. Endі osy jastar ortalyǵynda órenderіmіz óz-ózderіn damytyp, bіlіmderіn shyńdaýlary qajet», – dedі J.Túımebaev.

Kóp fýnktsıonaldy jańa úlgіdegі Jastar ortalyǵy – bіr mezette 400-ge jýyq jasqa qyzmet kórsete alady. Ortalyqta «Jastarǵa qyzmet kórsetý» ortalyǵy, «Mobıldі top», Turkistan HUB coworking zone, IT PARK, Robototehnıka mektepterі, Kovorkıng alańy, elektrondy kіtaphana, «Jas sarbaz», «Erіktіler mektebі», «Qurylys jasaqtary», «Tіlder mektebі», túrlі jastar uıymdary, medıa stýdııa jáne psıhologııalyq terapııa t.b kóptegen jastar klýbtary, mektepter men úıіrmeler jumys jasaıdy. Sondaı-aq, ǵımarat іshіnde «relax zone» demalys aımaǵy, ǵımarattyń syrtqy bólіgіnde fýtbol, valeıbol, basketbol, tennıs oınaýǵa arnalǵan sporttyq alańshalar ornalasqan.

Aıta keteıіk, búgіngі tańda Túrkіstan oblysynda jalpy halyqtyń 25,2 paıyzyn quraıtyn, 501 369 jas bar. Onyń іshіnde 86 416 jas qalalyq jerden bolsa, 414 953 jas aýyldyq jerden.

Sonymen qatar, aımaqtyń barlyq aýyl, qalalarynda jastarǵa qyzmet kórsetetіn ákіmdіkke qarasty «Jastar resýrstyq ortalyqtary» men 4 respýblıkalyq jastar uıymdarynyń fılıaly jáne etnomádenı ortalyqtarynyń janynda jastar qanattary jumys іsteıdі.