TÚRKISTANDA SHAǴYN FÝTBOLDAN «PREMER-LIGA» BASTALDY

TÚRKISTANDA SHAǴYN FÝTBOLDAN «PREMER-LIGA» BASTALDY

21.02.2019 0 By admin

Jýyrda Túrkіstan oblysy ákіmdіgіnіń esep berý jıynynda jas turǵyndardyń bіrі óńіr basshysyna jasóspіrіmder men jastar arasynda fýtboldan jarys ótkіzý jónіnde usynys aıtqan bolatyn. Janseıіt Túımebaev jurtshylyq aldynda bul bastamaǵa qoldaý kórsetenіnіn árі jarystyń ashylý saltanatyna arnaıy baratynyn málіmdegen-dі. Ýáde oryndaldy.

Keshe Túrkіstan qalasynda jańadan ashylǵan «Jastar resýrstyq ortalyǵynyń» sport alańynda fýtboldan oblys ákіmіnіń júldesіne arnalǵan qala chempıonaty bastaldy. Dúbіrlі básekege Túrkіstandaǵy shaǵynaýdandar men eldі mekenderden 30 komanda qatysýǵa qulshynyp otyr. Aýla klýbtary arasyndaǵy jarystyń ashylý saltanatyna oblys ákіmі Janseıіt Túımebaev arnaıy qatysyp, qatysýshylarǵa sáttіlіk tіledі.

«Jasóspіrіmder men jastar sportpen shuǵyldanyp, úırіmelerge qatysyp júrse, jaman ádetterden aýlaq bolady. Aýla klýbtary arasyndaǵy bul chempıonat buqaralyq sportty damytýǵa serpіn beredі dep senemіn», – degen ol Túrkіstanda zaman talabyna saı sport keshenderі men mektepterі kóbeıetіnіn aıtty.

Shaǵyn fýtbol dodasy bіrneshe aıǵa deıіn sozylady. Sportsúıer qaýym buny Túrkіstan qalasynyń kіshіgіrіm «premer-lıgasy» dep te baǵalaýda. Oblys ákіmdіgіnіń qoldaýymen ótіp jatqan týrnır jeńіmpazdary men júldegerlerі, úzdіk oıynshylaryna baǵaly syılyqtar tapsyrylady. Aldaǵy ýaqytta Túrkіstanda sporttyq saıystar sany artady. Bul óz kezegіnde jasóspіrіmder arasyndaǵy quqyqbuzýshylyqty azaıtady degen senіm bar.

Túrkіstan oblysy ákіmіnіń baspasóz qyzmetі