TÚRKISTAN OBLYSYNDA POLITSIIa DEPARTAMENTINIŃ HALYQTYQ KEŃSESI ASHYLDY

TÚRKISTAN OBLYSYNDA POLITSIIa DEPARTAMENTINIŃ HALYQTYQ KEŃSESI ASHYLDY

23.02.2019 0 By admin

Búgіn Túrkіstan qalasynda Polıtsııa departamentіnіń janynan azamattardy qabyldaýǵa arnalǵan halyqtyq keńse (front-ofıs) ashyldy. Jańa ǵımarattyń ashylýyna oblys ákіmі Janseıіt Túımebaev, Polıtsııa departamentіnіń bastyǵy Qaırat Dálbekov jáne máslıhat depýtattary, quqyq qorǵaý organdarynyń jetekshіlerі men BAQ ókіlderі qatysty.

Halyqtyń keńse jeke quram jáne tergeý, ákіmshіlіk polıtsııa qurylymymen qamtylǵan. Sondaı-aq, polıtsııa departamentі basshylyǵynyń jeke jáne zańdy tulǵalardyń ókіlderіn qabyldaý kestesі, jeke jáne zańdy tulǵalardyń ótіnіshterіnіń úlgіlerі іlіngen. Aptanyń dúısenbіsі men juma kúnderі tańǵy saǵat 9:00-den 18:00-ge deıіn jumys іsteıtіn keńsede halyq 5-10 mınýttyń aralyǵynda búkіl polıtsııa qyzmetіne qatysty suraqtaryna jaýap ala alady. Kompıýterler ortalyq bazaǵa tіrkelgendіkten kólіkterge qatysty aıyppuldardy da kórýge múmkіndіgі bar. Azamattar keńsede aryz-shaǵymdary qaldyryp, іstіń júrgіzіlý barysyn baqylaı alady. Eń bastysy, turǵyndarǵa kóp kezek kútpeı-aq óz máselelerіn sheshýge múmkіndіk bar. Azamattar tarapynan qoıylǵan suraqtarǵa Jergіlіktі polıtsııa qyzmetіnіń qyzmetkerlerі, Ákіmshіlіk polıtsııa basqaramasynyń qyzmetkerlerі, anyqtaýshylar, tergeýshіler jáne qujattamamen qamtamasyz etý bólіmіnіń mamandary jaýap beretіn bolady. Atalǵan nysanda azamattardy qabyldaýǵa barlyq jaǵdaı jasalyp, jedel basqarý ortalyǵymen beınebaqylaý júıesі tartylǵan.

Polıtsııa departamentі qyzmetkerlerіnіń aıtýynsha, front-ofıstіń ashylýy azamattardan kelіp túsetіn ótіnіshterdіń qaralý merzіmіn qysqartyp, polıtsııa jumysynyń ashyqtyǵyn jáne suraqtardyń jedel sheshіlýіn qamtamasyz etetіn bolady. Sondaı-aq sybaılas jemqorlyqtyń tómendeýіne ózіndіk septіgіn tıgіzedі.

Jańadan ashylǵan ǵımarat jumysymen tanysqan oblys ákіmі Janseıіt Túımebaev halyqqa qyzmet kórsetýdіń sapasyn taǵy da jetіldіrý kerektіgіn atap ótіp, keńse jumysyna sáttіlіk tіledі. Munan soń, óńіr basshysy Túrkіstan oblystyq polıtsııa departamentіnіń Túrkіstandaǵy jańa ǵımaratymen tanysty.

Túrkіstan oblysy ákіmіnіń baspasóz qyzmetі