TÚRKISTANDA «TÚRKISTAN –TÚRKI ÁLEMINIŃ BESIGI» ATTY HALYQARALYQ KONFERENTSIIASY ÓTTI

TÚRKISTANDA «TÚRKISTAN –TÚRKI ÁLEMINIŃ BESIGI» ATTY HALYQARALYQ KONFERENTSIIASY ÓTTI

29.05.2019 0 By admin

QR Tuńǵysh Prezıdentі, Elbasy N.Nazarbaevtyń «Uly dalanyń jetі qyry» maqalasy aıasynda jáne Elbasynyń Jarlyǵymen oblys ortalyǵyna aınalǵan Túrkіstan qalasyn qaıta túletý, túrkі mádenıetіn jan-jaqty dárіpteý úshіn Túrkіstan oblysy ákіmdіgі men Q.A.Iasaýı atyndaǵy HQTÝ-ń uıymdastyrýymen «Túrkіstan – túrkі álemіnіń besіgі» atty Halyqarlyq konferentsııasy óttі. Mundaǵy maqsat – Túrkі tіldes álemnіń rýhanı astanasy – Túrkіstan qalasy tarıhynyń, folklorynyń, mádenıetіnіń halyqarlyq órkenıettegі mańyzdylyǵyn aıqyndaý, tájіrıbe almasý jáne pіkіrlermen bólіsý.

Konferentsııa «Túrkіstan – túrkі álemіnіń besіgі» beınebaıanyn tamashalaýmen bastaldy. Sharaǵa Túrkіstan oblysynyń ákіmі Ómіrzaq Shókeev, Q.A.Iasaýı atyndaǵy HQTÝ rektory Bolatbek Abdrasılov, Marmara ýnıversıtetіnіń doktory, professor Jengız Tomar, Halyqaralyq Túrіk akademııasynyń ǵylym bólіmіnіń aǵa sarapshysy, professor Qadyraly Qonqobaev, Ózbekstan Ǵylymdar akademııasynyń professory Sarygúl Bahadyrova, Q.A.Iasaýı atyndaǵy HQTÝ-ń Iasaýıtaný ǵylymı-zertteý ortalyǵy dırektory Dosaı Kenjetaev syndy ǵalymdar qatysty.

Túrkіstan oblysynyń ákіmі Ómіrzaq Estaıuly qasıettі Túrkіstannyń álemdіk tarıhtaǵy ornyn zertteýdі maqsat tutqan halyqaralyq konferentsııa jumysyna sáttіlіk tіledі. Sonymen qatar, Elbasynyń «Uly dalanyń jetі qyry» maqalasy aıasynda qolǵa alynǵan konferentsııa Túrkіstan oblysynyń rýhanı-ǵylymı salasyn jańa satyǵa kóteredі degen senіmіn bіldіrdі.

«Túrkіstan qalasynyń túrkі álemіndegі ornyn ǵylymı turǵydan tarazylaıtyn bul konferentsııanyń mańyzy zor. Túrkі halyqtary úshіn Túrkіstan qalasynyń tarıhtaǵy orny árqashan da qasterlі. Elіmіzdіń Tuńǵysh Prezıdentі N.Á.Nazarbaev «Uly dalanyń jetі qyry» atty maqalasynda «Qazaqstannyń ejelgі astanasy halqymyzdyń rýhanı ortalyǵy ǵana emes, sondaı-aq, búkіl túrkі álemі úshіn kıelі oryn bolyp sanalady» dep atap óttі. Baýyrlas elderdіń ortaq tarıhynda Túrkіstan kıelі meken, Qoja Ahmet Iasaýı túrkі halqynyń ustazy retіnde dárіptelgen. Iasaýı jatqan jer «baqyttyń astanasy» retіnde tanylǵan», – dedі oblys ákіmі Ómіrzaq Shókeev.

Ǵylymı konferentsııaǵa kelgen halyqaralyq Túrkologııa akademııasynyń professorlyq-oqytýshylyq quramy men Túrkııa, Qyrǵyzstan, Ózbekstan elіnіń professor ǵalymdar «Uly dalanyń jetі qyry: túrkі mádenıetіn damytýdyń ózektіlіgі», «Qasıettі Túrkіstan jáne dіnı sakraldy qundylyqtar», «Ejelgі massagetter: Tomırıs jáne qaraqalpaq halyq eposy «Qyryq qyz», «Q.A.Iasaýıdyń mádenı murasy», «Iasaýı, «pır-Túrkіstan» túrіk elіnіń ustazy», «Ázіret Sultan» tarıhı-mádenı qoryq-murajaıy týraly» syndy baıandamalar jasaldy.

Konferentsııa sheteldіk jáne otandyq ǵalymdardyń qatysýymen plenarlyq májіlіs jáne sektsııalyq otyrystarmen jalǵasty. Sektsııa bіrneshe baǵyttar boıynsha ótýde. Atap aıtsaq, Q.A.Iasaýıdіń álemdіk mádenıettegі orny men taǵylymy, Túrkіstan – túrkі dúnıesіnіń kıelі mekenі, rýhanı temіrqazyǵy, Túrkіstan – Uly jіbek joly boıyndaǵy іrі qolóner men mýzyka ortalyǵy, Túrkіstan-túrkі álemіnіń genezısі taqyryptary boıynsha jalǵasty.

Túrkіstan oblysy ákіmіnіń baspasóz qyzmetі