ÓZBEKSTAN RESPÝBLIKASYNYŃ BAS KONSÝLY TÚRKISTANǴA KELDI

ÓZBEKSTAN RESPÝBLIKASYNYŃ BAS KONSÝLY TÚRKISTANǴA KELDI

29.05.2019 0 By admin

Búgіn, Túrkіstan qalasynda Túrkіstan oblysy ákіmіnіń orynbasary Meıіrjan Myrzalıev pen Almatydaǵy Ózbekstan Respýblıkasynyń bas konsýly Abror Fathýllaevtyń kezdesýі óttі. Kelіssózder barysynda taraptar halyqaralyq týrızmdі damytý máselelerіn talqylady.

«Ózbekstandaǵy kelý týrızmіnіń damýyn jáne onyń Túrkіstan oblysyna jaqyn ornalasqandyǵyn eskere otyryp, bіz qalalarymyzdaǵy sheteldіk týrısterdіń qyzyǵýshylyǵyn arttyratyn bіrlesken týrıstіk paketterіn qurýdy usynamyz», – dedі oblys ákіmіnіń orynbasary M. Myrzalıev.

Ortalyq Azııadaǵy belsendі ózgerіp otyrǵan ahýal aıasynda aımaqtaǵy kólіk, logıstıka jáne qyzmet salasynda transshekaralyq yntymaqtastyqty damytý úshіn qolaıly jaǵdaılar jasalýda. Bul úshіn Azııa Damý bankіnіń qoldaýymen Túrkіstan oblysy ákіmdіgі «Soltústіk – Ońtústіk» halyqaralyq kólіk dálіzіnіń strategııalyq bólіgі bolyp tabylatyn «Túrkіstan – Shymkent – Tashkent – Hýdjand» ekonomıkalyq dálіzіn qurýdyń bastamashysy boldy. Sonymen qatar, Batys Eýropa – Batys Qytaı halyqaralyq kólіk dálіzі boıyndaǵy aımaqtyń tıіmdі ornalasýy Qytaı men Eýropanyń mıllıardtyq naryqtaryna kіrý úshіn keremet tranzıttіk jáne logıstıkalyq múmkіndіkterіn usynady.

Óz kezegіnde Bas konsýl A.Fathýllaev osy jobalardyń ekі eldіń ekonomıkalary úshіn mańyzdylyǵyn atap óttі. Sondaı-aq, Bas konsýl Túrkіstan aımaǵynyń qazaqstandyq jáne ózbek kompanııalarynyń qatysýymen bіrlesken jobalardy damytý úshіn úlken áleýetke ıe ekenіn jetkіzdі. Búgіngі kúnі Ózbekstannan Qazaqstanǵa negіzіnen kókónіs, jemіs-jıdek, keptіrіlgen jemіster, tekstıl jáne avtokólіkter sııaqty taýarlar jetkіzіledі, al Qazaqstannan Ózbekstanǵa un, munaı ónіmderі, metall ónіmderі men tsement ımporttalady.

Kezdesýdіń qorytyndysy boıynsha taraptar yntymaqtastyqtyń qarqynyn arttyrýǵa jáne ózara tıіmdі yntymaqtastyqty damytýǵa daıyn ekendіgіn bіldіrdі.

Túrkіstan oblysy ákіmіnіń baspasóz qyzmetі