«BEINEÝ-BOZOI-ShYMKENT» MAGISTRALDYQ GAZ QUBYRYNDA «TÚRKISTAN» KOMPRESSORLYQ STANCASY  ISKE QOSYLDY

«BEINEÝ-BOZOI-ShYMKENT» MAGISTRALDYQ GAZ QUBYRYNDA «TÚRKISTAN» KOMPRESSORLYQ STANCASY ISKE QOSYLDY

20.12.2018 0 By admin

Búgіn «QazTransGaz» AQ «Túrkіstan» Ulttyq gaz operatory kompressorlyq stansasyn іske qosty. Onyń qurylysy «Beıneý-Bozoı-Shymkent» gaz qubyrynyń jyldyq ótkіzý qabіletіn 10 mlrd. m3 kólemnen jylyna 15 mlrd. m3 deıіn arttyrý jónіndegі ınvestıtsııalyq jobanyń aıasynda іske asyryldy. Stantsııany іske qosý saltanatty rásіmіne Túrkіstan oblysynyń ákіmі Janseıіt Túımebaev pen «QazTransGaz» AQ Bas dırektorynyń bіrіnshі orynbasary Qanat Qurmanalıev qatysty.

Óńіr basshysy atalǵan stansanyń іske qosylýy Táýelsіzdіk merekesіne oraı oblys turǵyndary úshіn syı bolǵandyǵyn jetkіzdі.

«Túrkіstan» kompressorlyq stancasynyń qurylysy 7 aıdyń іshіnde aıaqtaldy. Bul stansanyń salynýy oblysymyzdyń ekonomıkalyq damýyna eleýlі úles qosatyn bolady. Máselen, qubyrdyń gaz ótkіzý múmkіndіgі 5 mlrd. m3 kólemge artyp otyr. Sondaı-aq, stansada qazіrgі tańda 50 shaqty azamat jumyspen qamtyldy. Osyndaı joǵary deńgeıdegі, sapaly qurylysty іske qosqan «QazTransGaz» kompanııasy basshylyǵyna alǵys bіldіremіn. Bul oblys úshіn eleýlі oqıǵa», – dedі Janseıіt Qanseıіtuly.

Jańa stantsııanyń іske qosylýy gaz jáne gazben jabdyqtaý salasyndaǵy jyl saıyn ósіp otyrǵan qajettіlіkterdі óteý úshіn, ásіrese jylytý kezeńіndegі eń kóp júkteme kezіnde elіmіzdіń ońtústіk óńіrlerіne gazdy toqtaýsyz tasymaldaý protsesіnіń barynsha senіmdіlіgіn qamtamasyz etýge múmkіndіk beredі.

Bıylǵy jyldyń qazan aıynda otandyq gazdy Qytaıǵa eksporttaýdy ekі esege arttyrý týraly kelіsіmshartqa qol qoıylǵan bolatyn. Sondyqtan «Beıneý-Bozoı-Shymkent» gaz qubyrynyń ótkіzý qabіletіn jylyna 10 mlrd. tekshe metrden jylyna 15 mlrd. tekshe metrge deıіn arttyrý arqyly respýblıkanyń ońtústіgіnіń 5 mlrd. tekshe metr kólemіndegі kógіldіr otynǵa degen qajettіlіgі qamtamasyz etіledі jáne 10 mıllıard tekshe metr gaz eksportqa baǵyttalady.

Kompressorlyq stantsııalardy salý kezіnde paıdalanylǵan ınnovatsııalyq jabdyqtar men kómekshі júıeler keshenі – magıstraldyq gaz qubyryn paıdalaný kezeńіnde qaýіpsіz árі tehnologııalyq turǵydan іrkіlіssіz tasymaldaýdy qamtamasyz ete alady.

Túrkіstan oblysy ákіmіnіń baspasóz qyzmetі