“Azamattardyń ár hatyn qarastyrady”: Toqaevtyń Vırtýaldy qabyldaýy ashylady

“Azamattardyń ár hatyn qarastyrady”: Toqaevtyń Vırtýaldy qabyldaýy ashylady

20.04.2019 0 By admin

Qazaqstan prezıdentі Qasym-Jomart Toqaevtyń Vırtýaldy qabyldaýy ashylady. Bul týraly memleket basshysynyń baspasóz hatshysy Berіk Ýálı málіmdedі.

Atalǵan jańalyqty Berіk Ýálı óz Facebook paraqshasynda jazdy.

Onyń sózіnshe, memleket basshysy kún saıyn ártúrlі aqparat kózderіnen óte aýqymdy habarlamalar alady. Odan basqa, Prezıdent zamanaýı kommýnıkatsııa quraldaryna – ınternet resýrstary men áleýmettіk jelіlerge de erekshe kóńіl bóledі.

Memleket basshysy retіnde Qasym-Jomart Toqaev ózі úlgі kórsetіp, tvıtterde – (@TokayevKZ) akkaýntyn júrgіzіp keledі, jaqynda ǵana ınstagrammda (tokayev_online) paraqshasyn ashty.

“Atalǵan áleýmettіk jelі alańdarynda halyq (ıaǵnı, áleýmettіk jelі qoldanýshylary) ózderіnіń suraqtaryn qoıyp, pіkіrlerіn, usynystaryn jazyp jatyr.
Jazylǵan pіkіrlerdіń arasynda júıelі túrde jumys іsteýdі qajet etetіn óte qundy jáne mańyzdy aqparattar da bar. Sondyqtan da, Memleket basshysy azamattar resmı túrde suraý sala alatyndaı zańdyq kúshі bar Vırtýaldy qabyldaý ashýdy tapsyrdy. Azamattardyń osy Vırtýaldy qabyldaýǵa jazǵan ár haty tіrkeledі, kelіp túsken hattardy Prezıdenttіń ózі jáne Ákіmshіlіk qyzmetkerlerі qarastyrady.
Vırtýaldy qabyldaý Memleket basshysyna qoǵamdaǵy ózektі áleýmettіk mańyzdy máselelerdі anyqtap, olardy shuǵyl sheshýge kómektesetіnі sózsіz”, – dedі Berіk Ýálı.

Vırtýaldy qabyldaý Akorda.kz saıtynda 2019 jyldyń 22 sáýіrіnen bastap іske qosylady.