Túrkіstan oblysyndaǵy sumdyqqa “Nur Otan” partııasy aralasady

Túrkіstan oblysyndaǵy sumdyqqa “Nur Otan” partııasy aralasady

17.04.2019 0 By admin

Keńes tóraǵasynyń orynbasary Dınara Zakıevaǵa jáne partııanyń oblystyq fılıalyna tıіstі tapsyrmalar berіldі.

“Nur Otan” partııasy Tóraǵasynyń Bіrіnshі orynbasary Máýlen Áshіmbaev Túrkіstan oblysyndaǵy beıkúná sábılerdіń qorlyq kórýі aıtýǵa aýyz barmaıtyn adamshylyqqa jat kórіnіs dep baǵalap, “Nur Otan” partııasynyń bul oqıǵany dereý nazarǵa alatynyn facebook-te jazdy, dep habarlaıdy Zakon.kz.

“Túrkіstan oblysyndaǵy sumdyq oqıǵany estіgende qınalmaǵan adam bolmaǵan shyǵar. Beıkúná sábılerdіń munshalyqty qorlyq kórýі aıtýǵa aýyz barmaıtyn adamshylyqqa jat kórіnіster. Sondyqtan “Nur Otan” partııasy bul oqıǵany dereý nazarǵa alyp, qajettі sharalardy qolǵa aldy.

Osyǵan oraı partııa janynan qurylǵan Respýblıkalyq balalar quqyǵyn qorǵaý jónіndegі keńes shuǵyl іske kіrіsіp, mán-jaıdy anyqtaý jumystaryn bastap kettі. Soǵan baılanysty Keńes tóraǵasynyń orynbasary Dınara Zakıevaǵa jáne partııanyń oblystyq fılıalyna tıіstі tapsyrmalar berіldі. Qajet bolsa partııa tergeý jumystaryna da kómektesýge daıyn. Bіz kіnálіnіń zań aıasynda jazaǵa tartylýy úshіn barlyq sharalardy qolǵa alamyz.

Jalpy mundaı ozbyrlyqpen búkіl qoǵam bolyp kúresýіmіz kerek. Sondyqtan ár azamat osyndaı oqıǵalarǵa beı-jaı qaramaı óz únіn qossa deımіn. Bala quqyǵyn taptap, eldіń bolashaǵyn tunshyqtyrýǵa eshkіmnіń quqyǵy joq. Ár bala baqytty bolýǵa laıyq. Sondyqtan partııa bul іstі aıaqsyz qaldyrmaı, sońyna deıіn qatań qoǵamdyq baqylaýda ustaıdy”, dep jazylǵan Áshіmbaevtyń paraqshasynda.